في نهاية هذا الكورس وبدء تقيم الطلبة ورصد الدرجات كان اصعب كورس بالنسبة لي خصوصا لما حدث في هذا الكورس وهو التعليم عن بعد ، الا ان كان اصعب من التعليم العادي والدوام كانت الفترة حيل قصيرة والوقت قليل والتعليم عن بعد كان شي جديد بالنسبة لنا كانو كل الدكاترة يعطونا شغل وساعات مانفهم ويكون الوقت حيل قصير في اشياء نحتاج شرحها بالجامعه مثل التصوير والتصميم وغيره من اشياء ، بالبداية حسيت باحباط كبير وضغط وخصوصاً اني ماخذه ٣ مواد هالكورس تخصص وكلهم شغل تصميم متعدد ، تحرير متعدد الوسائط ، حملات علاقات عامة ، بدايتي مع المادة كانت صعبه وكنت خايفه خصوصا من كلام الدكتور وكان يقولنا دايماً المادة فيها شغل والي ماتشتغل تسحبها بس توكلت على الله وحاولت مااستسلم ، عدت ومرت الايام والحين احنا بالنهاية ووقت تسليم المشروع النهائي ، تعلمت اشياء وايد وتعلمت على عدة برامج فادتني حتى بحيتي اليومية حق التصوير كوني احبه والتصميم ، اول مره استخدم مثل هذي المواقع لكني حببته وهالشي خلاني حتى احب تصميم المواقع الي مثل جذي وفادي بتصميم موقع خاص فيني ، بالنهاية احب اشكر الدكتور عيسى النشمي على كل شي علمنا ياه طوال هذا الكورس .